Published On: Mon, May 7th, 2012
Uncategorized | By Kada Toraya

Nakua Kada Toraya: Tae'tu to manarang tangla sugi', apa tae'na mintu' tu tosugi' manarang.

Share This
Tags

 

Manarang raka tu tau dolo namane sugi’…???

Sugi’ raka tu tau dolo namane manarang…???

 

Buda tu tau ma’tangnga’ kumua yanna sugi’mo tu tau battuananna manarang duka lan tu tangnga’na. Yatu pangngampa’ susi to tae’ra na salah, apa tae’ duka na kumua tongan liu mo tu pangngampa’ susi to, belanna buda duka tu tosugi’ baga. Baga tu tosugi’ ke tae’na tandai umpakei tu yanan dabenni Puang Matua, susinna kedikua male natangga’ tu yanan na ampui, sia male napake lako to’inan tae’bang gai’na. Apa yanna manarang tu tosugi’, tae’nala male umbala’-bala’i tu yanan na dabenni Puang Matua lako apa tae’bang gai’na lako kalena sia lako tosenga’, susinna naben tu yanan na lako padanna ma’rupa tau tu umparallui, nayake kita toraya susinna mantunu tedong ki’ ke denni tu tomatuanta ba’tu siulu’ta umpodolo-dolona, belanna den tu kadanna toraya tu parallu dipengkilalai, tu kumua “Tae’pa Tu Toraya Mendadi Kalala’ Belanna Mantunu Tedong”

 

Dadi da’ta mendadi to Sugi’ Baga, apa mendadi to Sugi’ Manarang.

 

Salama’ mengkarang, dennoupa’ ta Sugi’ Manarang umpake yanan tu nabengan Puang Misa’ Titanan Tallu lako kaleta.

 

TCN.com – Kada Pepasan Toraya

Displaying 2 Comments
Have Your Say
  1. Mellong liu te kada pepasan mi TCN, pa den tarru’ te ke melambi, na masemanga’-manga’ ki’ ma’ jama..hehe :p. Tongan liu dikka’ to, apa na buda bang mo tu tau sugi’ baga totemo nala, tiro bang mi dikka’na tu pejaba’2 lan tv belanna na ampui mo banua batu kapua, den mo otonna si melo2 nasang, seng raka duka’ na ba’tu pira2 tongan ke digaji omi. Apa na taek bang na ma’ jama melo. Ba’tu ke nabagi2 sia mi duka’ sidi’ tu apanna lako tu tau taek bang dikka’ apanna. Ta dadi to sugi’ manarang piki’ dako’ ta bagi2 duka tu apanta lako tu tosenga’. “What is the purpose of life : ‘Is to Give’” . Salama’ kaboro’. :)

  2. Mellong liu te kada pepasan mi TCN, pa den tarru’ te ke melambi, na masemanga’-manga’ ki’ ma’ jama..hehe :p. Tongan liu dikka’ to, apa na buda bang mo tu tau sugi’ baga totemo nala, tiro bang mi dikka’na tu pejaba’2 lan tv belanna na ampui mo banua batu kapua, den mo otonna si melo2 nasang, seng raka duka’ na ba’tu pira2 tongan ke digaji omi. Apa na taek bang na ma’ jama melo. Ba’tu ke nabagi2 sia mi duka’ sidi’ tu apanna lako tu tau taek bang dikka’ apanna. Ta dadi to sugi’ manarang piki’ dako’ ta bagi2 duka tu apanta lako tu tosenga’. “What is the purpose of life : ‘Is to Give’” . Salama’ kaboro’. :)

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Switch to our mobile site